‘Yan sandan kasar Burtaniya sun cafke dan kwallon Manchester United, Mason Greenwood bisa zarginsa da aikata fyade da cin zarafi, biyo bayan zarge-zargen da aka yi a shafukan sada zumunta.
‘Yan sandan Greater Manchester sun ce, an sanar da su wasu hotunan kafofin sada zumunta na bidiyon da wata mata ta wallaf da ke ba da rahoton abubuwan da suka faru na tashin hankali.
Sun kara da cewa, za su iya tabbatar da cewa, an kama wani mutum mai shekaru 20 da ake zargi da laifin fyade da kuma cin zarafi.
Sun ci gaba da cewa, ya na wajen su ana ci gaba yi masa tambayoyi, kuma ana ci gaba da bincike a kai.
A baya Manchester United ta ce, dan wasan ba zai koma atisaye ko wasa ba, har sai an sanar da shi.
Kungiyar ta ce, an sanar da su zargin a shafukan sada zumunta, amma ba za su yi wani karin bayani ba, har sai an gano gaskiyar lamarin.
Subscribe to Our VIP Newsletter
[newsletter_signup_form id=1]
