Shugaban hukumar KAROTA, Baffa Babba Dan Agundi, ya ce, babu wani direban baburin adaidaita sahu da zai ci kara hawa kan titi ba tare da ya sabunta lambarsa ba.
Baffa Babba ya bayyana hakan ne ga manema labarai a jihar Kano.
Ya ce “Tsarin lambar na cikin tsarin dokar hukumar ta KAROTA, wadda ta ce, a kowacce shekara ya zama wajibi kowanne direban Babur mai kafa uku ya sabunta ta. Adadin wadanda suka mallaki baburin a kowacce shekara, da ma bada dama wajen binciko masu fakewa da baburin suna aikata laifukan da suka saɓawa doka. Mu na sane da yadda a ke samun wasu babura masu lamba iri ɗaya wanda kuma ya saɓa doka”. Inji Baffa.
Baffa Babba Danagundi ya ce, tuni shiri ya yi nisa na fara sanya turakun hana motoci shiga da fice a wuraren da za su iya haifar da illa ga al’ummar Kano.
Subscribe to Our VIP Newsletter
[newsletter_signup_form id=1]
