Wata kotu a Kyiv ta yanke hukuncin daurin rai da rai ga wani sojan Rasha dan shekaru 21 da laifin kashe farar hular Ukraine, a shari’ar farko ta laifukan yaki da aka gudanar tun bayan mamayar Rasha.
Ana zargin Vadim Shishimarin da harbe Oleksandr Shelipov mai shekaru 62, wani farar hula dan kasar Ukraine a ka a wani kauye da ke yankin Sumy da ke Arewa maso Gabashin kasar a farkon yakin.
“Kotu ta gano cewa Shishimarin yana da laifi, kuma ta yanke masa hukuncin daurin rai da rai,” in ji alkali Sergiy Agafonov a ranar Litinin, a babban birnin kasar da yaki ya daidaita, in ji Al Jazeera.
“An yi kisan ne da niyya kai tsaye.”
Sojan na Rasha, wanda ya amsa laifinsa, ya shaidawa kotu a makon da ya gabata cewa, ya harbe Shelipov ne, sakamakon matsin lamba daga wani soja a lokacin da suke kokarin ja da baya tare da tserewa zuwa Rasha a cikin wata mota da aka sace a ranar 28 ga Fabrairu, kwana na hudu da mamayar Moscow.
Subscribe to Our VIP Newsletter
[newsletter_signup_form id=1]
