Ɗaya daga cikin waɗanda Shugaban Ƙasar Amurka Donald Trump ya yi afuwa ta ƙi amincewa da afuwar da shugaban ya yi musu, inda a cewarta ba ta cancanta ba.
Trump ya sanar da yin afuwar ne ga waɗanda suka yi zanga-zanga tare da kutsawa majalisar ƙasar bayan an kayar da shi a zaɓen shugaban ƙasa, wanda aka fi sani da masu zanga-zangar 6 ga Janairu.
Matashiyar mai suna Pam Hemphill ta ce “mun yi kuskure a ranar”
An ɗaure Pam ne na zaman gidan yari na kwana 60, amma a zantawarta da BBC, ta ce sam ba su cancanci afuwa ba.
“Amincewa da afuwa tamkar watsa wa rundunar ƴansanda ƙasa a ido ne, sannan hakan na nufin yi wa doka da ƙasarmu karan-tsaye,” in ji ta.
“Na amince da laifin da na aikata ne, saboda na san na aikata laifin, don haka babu dalilin yin afuwar. Mun yi laifi a ranar, mun karya doka, don haka bai kamata a mana afuwa ba.”
Subscribe to Our VIP Newsletter
[newsletter_signup_form id=1]
