Masu bukata ta musamman a jihar Ekiti, sun yi barazanar kai hukumar zabe mai zaman kanta INEC gaban kuliya, kan korafin kin tanadar abubuwan da suke bukata, domin shiga zaben gwamna da za a yi a jihar ranar 18 ga watan Yuni.
A cewar Premium Times, shugaban kungiyar masu bukata ta musamman reshen jihar Ekiti, David Anyaele yana shaida wa ‘yan jarida cewa, matukar INEC ba ta yi abin da ya dace ba, za su shigar da kara kotu kan take hakkinsu, da dokokin Najeriya suka ba su a matsayin ‘yan kasa.
Mr Anyaele ya kara da cewa, “Duk wani yunkuri na hana ‘ya’yan kungiyarmu kada kuri’a zai sa mu kalubalanci INEC a gaban kuliya domin take dokar da Shugaba Muhammadu Buhari ya rattabawa hannu kan walwalarmu.”
Ya kara da cewa, kungiyarsu ta damu matuka kan halin tabarbarewar tsaron da ake fuskanta, musamman yadda ‘yan daba ke hana wasu kada kuri’a. Don haka ya bukaci hukumar zaben ta yi aikin hadin gwiwa da ‘yan sanda domin ba su tsaron da ya dace a lokacin zabe
Subscribe to Our VIP Newsletter
[newsletter_signup_form id=1]
