Ofishin binciken kudi na tarayya ya bankado badakalar Naira biliyan 8.5 a zaurukan majalisar dokoki ta tarayya.
Rahoton binciken kudin ya gano yadda shugabancin zaurukan biyu suka kashe Naira biliyan Uku a majalisar dattawa da wasu biliyan 5.5 a majalisar wakilai a shekarar 2019 ba tare da shaidar kashe kudaden ba.
Mai binciken kudi na tarayya, Aghughu Adolphus, a rahoton sa, ya bankado yadda majalisar dattawa da majalisar wakilai da hukumar kula da harkokin majalisar dokoki ta kasa suka kashe kudaden ba bisa ka’ida ba.
Rahoton da ya gabatar wa Akawun Majalisar a watan Agusta ya ce, an kashe kudaden ne a tsakanin shekarar 2015 zuwa 2018 ba tare da cike takardun da suka dace ko rasitin kayan da a ka saya ba.
A shekarar da ta gabata ne kwamitin kudaden gwamnati na majalisar ya kaddamar da bincike kan hukumomi da ma’aikatun gwamnatin tarayya daga 2015 zuwa 2018.
A watan Yunin bana ne kwamitin da rahoton binciken wata shidan da ya gudanar a kan hukumomin.
Da ya ke bayani kan lamarin, shugaban cibiyar bin diddigi da tabbatar da gaskiya a harkokin majalisa (CISLAC), Auwal Musa Rafsanjani, ya ce wannan abin takaici ne kamar yadda Aminiya ta rawaito.
Sai dai a martaninsa, Akawun Majalisar Tarayya, Austen Adesoro, ya ce abubuwan da ake batu sun shafi shekarar 2019 kuma tuni a ka shawo kansu.
Subscribe to Our VIP Newsletter
[newsletter_signup_form id=1]
