Shugaban kasar Turkiyya Recep Tayyip Erdoğan ya shawarci ‘yan kasar cewa, kamata ya yi Turkawa su ajiye dukkannin kudaden da su ke samu a cikin kudin kasar na Lira, domin shawo karyar darajar Lira.
Kamfanin dillancin labarai na Reuters ya rawaito cewa, a cikin watannin biyun da su ka gabata ne dai darajar Lira ta yi kasa a Turkiyya.
A wani jawabi da ya gudanar a ranar Juma’ar nan, Erdogan ya ce, ya na son dukkan ‘yan kasar su ajiye kudaden su a cikin kudin kasar, domin su gudanar da harkokinsu da kudaden su.
Ya kuma ce, muddin ba su dauki na su kudin da daraja ba, to tabbas tattalin arzikin su zai karye wanwar.
Da ya ke jawabi ga wata kungiyar ‘yan kasuwa, Erdogan ya kuma yi kira ga Turkawa da su shigo da kudaden da su ka tara na zinari a cikin tsarin banki tare da jaddada ra’ayinsa wanda bai sabawa ka’ida ba na cewa kudin ruwa ne ya jawo hauhawar farashin kayayyaki a kasar.
Subscribe to Our VIP Newsletter
[newsletter_signup_form id=1]
