Babban darakta shugaban Hhukumar Tace Fina-Finai da Bidiyo ta Kasa (NFVCB), Alhaji Adedayo Thomas, ya ce, hukumar ta karbi tare da tantance adadin fina-finai 382 da masana’antar shirya fina-finai a Najeriya cikin watanni uku na karshe na shekarar 2021.
Alhaji Adebayo ya bayyana hakan ne a wata sanarwa da mai taimaka masa kan harkokin yada labarai, Joshua Olumu, ya rabawa manema labarai a Abuja.
Sanarwar ta ce: “Ma’aikatar ta fitar da wannan adadi a rahotonta na kashi hudu na shekara, wanda ya dauki dukkan fina-finan da aka mika wa hukumar daga sassan kasar.
Sanarwar ta ci gaba da cewa, jihar Legas ce ta fi yawan fina-finan da aka shirya a wannan lokacin da 181, yayin da Onitsha ke biye da fina-finai 96 da Abuja mai fina-finai 87.
Binciken da aka gudanar ya nuna cewa, Kano ta fitar da bakwai, yayin da Fatakwal da Jos suka yi uku kowannan su, Benin kuma ta na da fina-finai biyar.
Subscribe to Our VIP Newsletter
[newsletter_signup_form id=1]
