Ƙungiyar tsofaffin daliban jami’ar Bayero aji na shekarar 1989, sun bada taimakon kudi Naira Dubu Dari Biyar, ga jami’ar na tallafin karatu ga daliban jihar Kano da basu da karfin iya biyan kudin makaranta.
Shugaban ƙungiyar, Dr Kabiru Jinjiri Ringim, ne ya bayyana haka a ranar Juma’a lokacin da ya jagoranci wakilcin mambobin ƙungiyar, domin bada tallafin ga shugaban jami’ar ta Bayero a ofishin sa.
Dr. Jinjiri, ya ce,”A ƙoƙarin da ‘yan ƙungiyar su ke na ganin cewar an tallafawa marasa shi, musamman ma a bangaren ilimi, sun saka damba na gudanar da aiyyuka daban-daban, duk shekara kamar yadda ƙungiyar ta saba”.
A nasa jawabin shugaban jami’ar Bayero, Farfesa Sagir Adamu Abbas, wanda mataimakin shugaban jami’ar bangaren gudanarwa, Farfesa Mahmud Umar Sani, yabawa Kungiyar ya yi, inda yace lamarin ya zo adaidai lokacin da ake bukatar sa.
Dr. Sule Ya’u Sule da Farfesa Kabir Isa Dandago, da tsohon kwamishinan Shari’a na Jigawa Yakubu A Ruba , mai muƙamin SAN na cikin mambobin kungiyar da suka halarci taron.
Subscribe to Our VIP Newsletter
[newsletter_signup_form id=1]
