An kwantar da shugaban kasar Brazil, Jair Bolsonaro a asibiti da sanyin safiyar ranar Litinin, sakamakon ciwon ciki.
Kamfanin dilanci labarai na UOL ne ya tabbatar da hakan a ranar Litinin ta ce, a na ci gaba da duba lafiyarsa domin ganin ko za a iya yi masa aikin tiyata har idan ya kasance dole a cewar likitan sa Antonio Luiz Macedo.
Gidan Talabijin na Brazil mai suna Globo ya nuna hotunan Bolsonaro ya na saukowa daga matattakalar jirgin shugaban kasar, bayan ya sauka a birnin Sao Paulo da misalin karfe 1:30 na safe daidai da agogon GMT (04:30 GMT) daga nan a ka kai shi asibitin Vila Nova Star, in ji Globo.
An kwantar da Bolsonaro a asibiti sau da yawa tun lokacin da a ka caka masa wuka a lokacin yakin neman zabensa na shugaban kasa a shekarar 2018. A watan Yulin 2021, an kai shi asibitin Vila Nova Star, sakamakon toshewar hanjin da ya yi fama da shi.
Kafofin yada labaran Brazil sun ce Bolsonaro ya yi hutu a jihar Santa Catarina da ke kudancin kasar.
Subscribe to Our VIP Newsletter
[newsletter_signup_form id=1]
