Cibiyar Kula da Cututtuka ta Ƙasa, NCDC ta tabbatar da samun sabon nau’in korona mai suna Omicron.
A wata sanarwa da Darakta-Janar na NCDC, Ifedayo Adetifa ya sanyawa hannu a yau Laraba, cibiya ce ta gano nau’in cutar ne mai haɗari a wani gwaji da ta yi.
Ta ƙara da cewa ana zargin waɗanda a ka gwada samfurin nasu sun taho ne daga ƙasar Afirka ta Kudu, inda a nan ne nau’in ya samo asali.
Cibiyar ta ƙara da cewa ta gano sabon nau’in koronan ne a gwaje-gwajen da ta ke yi na matafiya domin daƙile yaɗuwar cutar.
NCDC ta kuma baiyana cewa mutane biyun da a ka samu da sabon nau’in cutar ba su nuna wata alama ta rashin lafiya ba, inda ta ƙara da cewa an fara bibiyar mutanen da su ka yi mu’amala da su.
Subscribe to Our VIP Newsletter
[newsletter_signup_form id=1]
