‘Yan sanda a Hong Kong sun kama wasu manyan jami’ai bakwai da tsoffin ma’aikatan kungiyar yada labarai na internet ta Stand News.
Kamfanin dillancin labarai na AFP ya rawaito cewa, an tafi da mukaddashin babban editan jaridar Stand News Patrick Lam da sara a hannun sa.
Tsohon babban editan kasar, Chung Pui-kuen da wasu mambobin hukumar hudu da suka yi murabus a watan Yuni na daga cikin wadanda aka kama, a cewar kafafen yada labaran kasar.
An kama ‘yan jaridan ne da laifin hada baki wajen buga wasu littattafai masu tayar da hankali. A wata sanarwa da gwamnati ta fitar a ranar Larabar nan, gwamnatin kasar ta sanar da rufe jaridar ta Stand News.
An ga jami’an tsaron kasar na jigilar kwashe kwalaye daga ofishin Stand New da misalin karfen rana a ranar Laraba.
Sanarwar da ‘yan sandan ta fitar ba ta bayyana wadanda a ka kama ba amma ta ce maza uku ne mata uku, masu shekaru 34 zuwa 73.
Subscribe to Our VIP Newsletter
[newsletter_signup_form id=1]
