Ɗaruruwan magoya shugaban Koriya ta Kudu da aka tsige Yoon Suk Yeol sun kutsa cikin kotu bayan da alƙalin kotun ya amince a ci gaba da tsare Yoon, inda suka riƙa fasa tagogi da ƙofofi.
Rahotanni sun ce an kama kusan hamsin daga cikin masu tarzomar, waddashi kansa Yoon da kuma mai riƙon shugabancin ƙasar suka yi Allah-wadarai da tarzomar.
Kotun da ke babban birnin ƙasar Seoul ta tsawaita tsare dakataccen shugaban a kan tuhumarsa da ake yi kan neman sanya dokar ta-ɓaci a ƙasar a watan da ya wuce.
Alƙalin ya bayar da umarnin ne bisa dalilin cewa Mista Yoon zai iya lalata shedar laifin da ake zarginsa ya aikata idan aka sake shi.
A don haka ya ba wa masu bincike damar ci gaba da tsare shi har tsawon karin kwana 20.
A ranar Laraba ne aka kama Yoon mai shekara 64 bayan makonni ana kai ruwa rana tsakanin masu bincike da jami’an tsaronsa na fadar shugaban ƙasa. A cewar BBC.
Subscribe to Our VIP Newsletter
[newsletter_signup_form id=1]
