Saboda Isra’ila ta miƙa wuya ga Hamas na yi murabus – Ministan tsaron Isra’ila

Ministan tsaron Isra’ila mai ra’ayin riƙau na jam’iyyar Jewish Power Party mai kare muradan Yahudawa, Itamar Ben-Gvir ya sanar da yin murabus daga kujerarsa bisa abin da ya bayyana da miƙa wuya ga Hamas.

Itamar Ben-Gvir tare da Yitzhak Wasserlauf da Amichai Itamar sun miƙa wasiƙun barin aiki a safiyar Lahadi.

Shi dai Itamar Ben-Gvir ya daɗe yana adawa da batun cimma tsagaita wuta da Hamas inda a koyaushe yake kira ga Isra’ila da ta ci gaba da yaƙi da Hamas a Gaza.

Da yake rubuta wa Netanyahu wasiƙar ta barin aiki, Itamar Ben-Gvir ya ce ba zai yi abin da zai kifar da gwamnatin ba amma kuma ya kira yarjejeniyar tsagaita wutar da amincewa da “samun nasara ga ta’addanci.”