Hukumar tsaro ta farin kaya DSS, ta kama shugaban hukumar kare masu amfani da kayayyaki ta jihar Kano, Janar Idiris Dambazau mai ritaya, bisa zargin cin dunduniyar tattalin arzikin kasa.
Rahotanni na nuni da cewa, jami’an ‘yan sandan sirrin sun zargi Dambazau da rufe gidajen mai guda bakwai ba tare da bin ka’ida ba.
Wata majiya mai tushe ta shaida wa jaridar Solacebase, cewa duk kokarin da Dambazau ya yi na rufe gidajen man ya ci tura, duk kuwa da cewa ya yi wannan aikin ne, wanda ya sabawa doka wanda ya wuce ikon hukumar kula da masu sayen kayayyaki.
“Hukumar DSS ta dauki matakin Janar Dambazau a matsayin yi wa zagon kasa ga tattalin arziki da yunkurin haifar da karanci man fetur a Kano,” inji majiyar.
Subscribe to Our VIP Newsletter
[newsletter_signup_form id=1]
