Kungiyar Tallace-tallacen Waje ta Najeriya ta nada Sarki, Ooni na Ife, Oba Adeyeye Ogunwusi da Sarkin Kano, Alhaji Aminu Ado Bayero a matsayin manyan jigon kungiyar ta ta kasa.
Shugaban kungiyar, Mista Emmanuel Ajufo, a wata sanarwa da ya fitar a ranar Lahadin da ta gabata, ya ce, nadin sarakunan ya biyo bayan ganin cewa a matsayinsu na masu kula da al’adu ga al’ummar kasa, sakamakon yadda suke samar da zaman lafiya da hadin kan kasa.
“Matakin karrama sarakunan ya yi tasiri ne sakamakon hukuncin kungiyar na cewa irin wannan matakin zai kasance da amfani ga kungiyar OAAN da kuma yadda ake gudanar da tallace-tallacen waje a kasar nan”.
“Bayan sarakunan gargajiya masu daraja ta daya a matsayin masu goyon bayan kungiyar OAAN ta kasa, domin haka akwai bukatar a bai wa mambobin da ke sassa daban-daban na kasar nan. Domin haka, ya na nuni da yadda muke girmama al’adu da al’adun Nijeriya ne muke danganta su da wadanda suke rike da wadannan dabi’u,” inji Ajufo.
Subscribe to Our VIP Newsletter
[newsletter_signup_form id=1]
