Kasar New Zealand ta zartar da sabuwar dokar da za ta baiwa mutanen kasar damar sauya jinsin da aka rubuta musu a takardar haihuwarsu.
Ministar harkokin cikin gidan kasar, Jan Tinetti, ne ya sanar da wannan dokar da nufin cewa daga yanzu ba za a bukaci ’yan kasar su gabatar da takardar likita kafin su gamsar da kotu cewa sun sauya jinsinsu ba.
Ta ce, “Yau rana ce mai cike da tarihi a New Zealand, domin kuwa majalisa ta zartar da dokar da za ta sa a daina nuna wariya ga masu sauya jinsi, kuma sauyin zai taimaka wa matasa su yanke shawara kan jinsin da suke so a rika alakanta su da shi. Hakan zai ba su damar yanke wa kansu shawara tare da bunkasa lafiyar kwakwalwarsu, sannan ya inganta lafiyarsu,” inji ta.
Kamfanin dilancin labarai na NAN ya rawaito cewa, dokar za ta fara aiki nan da wata 18, wanda zai baiwa gwamnati damar tattaunawa da dukkan al’ummomin da zai tabbatar da cewa ta yi daidai da bukatun al’umma.
Subscribe to Our VIP Newsletter
[newsletter_signup_form id=1]
