Kungiyar Monaco ta kasar Faransa ta sallami tsohon kocin Bayern Munich da Croatia, Niko Kovac.
Monaco ta nada Kovac mai shekaru 50 a watan Yulin 2020 domin maye gurbin dan kasar Spain Robert Moreno, wanda a ka kora bayan watanni bakwai kacal.
Monaco ta ce an sanar da Kovac game da hukuncin ranar Alhamis kuma a hukumance ta sanar da shi ranar Asabar.
Kocin kungiyar, Stephane Nado ne zai jagoranci kungiyar a wasan da za su kara da kungiyar Quevilly-Rouen a gasar cin kofin Faransa ranar Lahadi.
Kovac, wanda ya lashe gasar Bundesliga na Jamus da kofi biyu da Bayern a kakar wasa ta 2018-19, ya karbi ragamar horar da Monaco sau 74, kuma ya bar ta na shida a kan teburi da tazarar maki 17 tsakaninta da Paris St-Germain.
An rawaito Philippe Clement na Club Bruges shi ne wanda a ka fi so ya maye gurbin Kovac.
Subscribe to Our VIP Newsletter
[newsletter_signup_form id=1]
