Kungiyar mata ‘yan jarida ta Najeriya NAWOJ, ta yi Allah-wadai da zargin sace ‘yar shekara biyar mai suna Hanifa Abubakar da malaminta ya yi a Kano.
Kungiyar, a cikin wata sanarwa da shugabanta na kasa, Ladi Bala, ta fitar a Abuja, ta bayyana wannan aika-aika a matsayin daya daga cikin munanan ayyuka na munanan ta’addanci da dabbanci da rashin mutuntaka da a ka yi a baya-bayan nan.
Rahotanni sun bayyana cewa, mamallakin makarantarsu, Abdulmalik Abubakar ne ya kashe dalibar, wanda ya bukaci iyayenta da su biya kudin fansa Naira miliyan 6.
NAWOJ ta ce, kisan da mai makarantarta ya yi wa ‘yar Najeriyar da ba ta da laifin komai, ya biyo bayan cin amana da karamar yarinya da iyayenta suka yi a makarantar da kuma mai makarantar.
Ta ce, “Kisa, garkuwa da mutane, cin zarafi da jima’i da jinsi na yin illa ga mata da ‘yan mata, wadanda su ne makasudin miyagu. Akwai shari’ar Aisha Umar, ‘yar gudun hijira, wadda wani ma’aikacin jin kai ya yaudareta tare da yi mata fyade, wanda ya kai ga kashe kanta a Maiduguri, jihar Borno, saboda ta kasa jurewa wannan bala’in.
“Kisan gillar da aka yi wa diyar wata ‘yar gwagwarmayar mata, Madam Ene Ede a Abuja kwanan nan da wasu da ba a san ko su waye ba suka yi kisan kai, in ban da wasu kadan, duk alamu ne da ke nuni da cewa, komai bai yi kyau a kasarmu ba.
“A matsayinmu na iyaye mata, muna cewa da bakin ciki cewa, wannan ba ita ce Najeriyar da muka taso ba, domin sanin inda kula da samari ke da alhakin dukkan manya da al’umma baki daya.
“A matsayinmu na iyaye, muna kira ga ‘yan Najeriya da su kara taka tsantsan, da kuma kula da harkokin tsaro tare da kai rahoton wadanda ake zargi ga hukumomin tsaro,” in ji NAWOJ.
Kungiyar mata ‘yan jarida ta kuma yi kira ga kungiyoyi masu zaman kansu da su tofa albarkacin bakinsu kan wadannan munanan ayyuka tare da neman a yi adalci ga wadanda aka kashe da cin zarafin mata a Najeriya.
Subscribe to Our VIP Newsletter
[newsletter_signup_form id=1]
