Shugaban ƙasa Muhammadu Buhari ya tabbata da cewa, kotu ce kaɗai za ta iya sakin shugaban ƙungiyar IPOB, Nmandi Kanu.
‘Yan makonni bayan alƙawarin da ya yi wa dattawan al’ummar Ibo na duba yiwuwar sakin ɗan tawaye, Nnamdi Kanu, Buhari ya ce “ba za mu iya sakin sa ba”.
Ya ce: “Akwai sashen da ba zan iya taɓawa ba, shi ne na shari’a. Batun Kanu ya na gaban kotu. Amma abin mamakin shi ne, lokacin da ya ke Turai ya na zagin wannan gwamnati, na zaci zai so ya zo ya kare kansa daga waɗan nan zarge-zargen.
“Saboda haka muna ba shi dama ce ta kare kan sa bisa tsarinmu, ba wai ya koma Turai ya ci gaba da zaginmu ba kamar ba ɗan Najeriya ba. Ya zo nan ya soke mu…waɗanda ke cewa ya kamata a sake shi, a’a, ba zamu iya sakin sa ba.”
A watan Nuwamba ne dattawan suka gana da Buhari a Abuja, inda suka nemi ya tausaya wa jagoran na haramtacciyar ƙungiyar Indigenous People of Biafra (IPOB) da ke neman kafa ƙasar Biafra a kudu maso gabashin Najeriya.
Buhari na wannan jawabin ne yayin tattaunawar sa da gidan talabijin na Channels.
Subscribe to Our VIP Newsletter
[newsletter_signup_form id=1]
