Gwamnatin tarayya ta sanar da fara jigilar ‘yan Najeriya ta jirgin kasa kyauta tun daga ranar 24 ga watan Disamba har zuwa 4 ga watan Janairu na shekarar 2022.
Manajan darakta na hukumar kula da jiragen kasa ta Najeriya (NRC), Fidet Okhiria, ya tabbatar da hakan a ranar Juma’a.
Ya ce: “Shawarar da a ka yanke tare da hadin gwiwar ma’aikatar sufuri, ita ce ta saukaka zirga-zirgar ‘yan kasa a lokacin bikin Kirsimitei na yuletide.
“Wannan shi ne domin taimakawa sauƙaƙe farashin sufuri da baiwa ƴan ƙasa damar motsawa cikin sauƙi, domin jin daɗin lokacin bukukuwa.
“Duk da haka a na shawartar fasinjoji da su tabbatar sun samu tikitin su daga wuraren da su ka dace ba tare da farashi ba, don ba su damar shiga da shiga cikin jiragen.
“An kuma umarci dukkan fasinjoji da su kiyaye da kuma yin biyayya ga dokokin Korona ta hanyar sanya abin rufe baki da hanci da tsaftace hannu”. Inji Fidet.
Ya nanata kudirin gwamnatin tarayya na tabbatar da tsaron lafiyar fasinjoji da jiragen kasa a wannan lokacin.
Subscribe to Our VIP Newsletter
[newsletter_signup_form id=1]
