Shugaban kasar Iran, Ibrahim Raisi ya lashi takobin daukar fansa a kan kisan da Amurka ta yi wa marigayi Janar Qasem Soleimani shekaru biyu da suka gabata, matukar ba a gurfanar da tsohon shugaban Amurka Donald Trump a gaban kotu ba.
Iran da kungiyoyin da ke kawance da ita a Iraki sun gudanar da bukukuwan girmama Soleimani, kwamandan dakarun Quds, reshen dakarun kare juyin juya hali na kasashen ketare.
An kashe Janar Qasem a Iraki a wani harin da jiragen yaki mara matuka suka kai ranar 3 ga Janairu, 2020, wanda shugaba Trump na lokacin ya ba da umarnin.
“Idan ba a gurfanar da Trump da (tsohon sakataren harkokin wajen Amurka Mike Pompeo a gaban kotu ba, to gaskiya kan laifin kisan Janar Soleimani za su dauki fansar shahadar mu,” in ji Raisi a wani jawabi da ya yi ta gidan talabijin a ranar Litinin.
A ranar Lahadin da ta gabata, Iran ta bukaci kwamitin sulhu na Majalisar Dinkin Duniya a cikin wata wasika da ya kama Amurka da Isra’ila, wadanda Tehran ta ce su ma suna da hannu a kisan, kamar yadda kafafen yada labaran Iran suka rawaito.
Kwanaki bayan kisan, Amurka ta shaidawa Majalisar Dinkin Duniya cewa kisan kare dangi ne, ta kuma sha alwashin daukar karin matakin “kamar yadda ya dace” a yankin Gabas ta Tsakiya, domin kare ma’aikatan Amurka da muradunta.
Subscribe to Our VIP Newsletter
[newsletter_signup_form id=1]
