Isra’ila za ta mayarwa da Iran martani duk da tsagaita wuta

Ministan tsaron Isra’ila, Katz ya bayyana cewa, ya ba rundunar tsaron Isra’ila umarni “su mayar da martani” mai tsanani kan Iran.

Ya ce za su mayar da martanin ne domin a cewarsa Iran ta karya yarjejeniyar tsagaita bayan ta cigaba da kai hare-hare makamai masu linzami.

Ita dai Iran ta nanata cewa ba za ta daina kai hare-haren ba har sai Isra’ilar ta daina kai mata hare-hare.

Tun da farko dai, rundunar tsaron Isra’ila ta sanar da cewa tana ta ƙoƙarin daƙile hare-haren makamai masu linzami daga Iran.

Shugaban aikin ceto na ƙasar, Magen David Adom ya ce mutum ɗaya ne kawai ya samu labarin ya jikkata.