An shiga fargaba a jihar Imo, bayan da wasu ‘yan bindiga su ka yi awon gaba da wani sirikin tsohon gwamnan jihar, Uche Nwosu, a watai cocin mahaifarsa, Eziama Obieri a karamar hukumar Nkwerre ta jihar.
Nwosu da iyalansa sun kasance a majami’aar St Peter’s Anglican, domin nuna godiya a lokacin da ‘yan bindigar da ke aiki a cikin wata mota kirar sulke da motocin kirar Hilux, su ka far wa yankin.
PUNCH ta rawaito cewa, sun yi harbi ba kakkautawa kafin su tafi shi inda su ka nufa, yayin da jami’an tsaronsa su ka zuba ido ba tare da yin tir da ‘yan bindigar ba.
Yayin da wasu makusantan Nwosu suka yi zargin cewa an yi garkuwa da shi, wasu kuma na zargin gwamnan jihar, Hope Uzodinma ne ya shirya kama shi.
Sai dai a martanin da kwamishinan yada labarai da dabaru na jihar, Declan Emelumba ya mayar, ya ce, babu hannun gwamnan a cikin abin da ya faru.
Yayin da Emelumba ya kasa tabbatar da ko an kama shi ne ko kuma an yi garkuwa da mutane ne, ya ce, abin dariya ne a yi zargin cewa gwamnan na da hannu a bacewar Nwosu.
Da a ka tuntubi mai magana da yawun rundunar ‘yan sandan jihar, Micheal Abattam, ya ce, bai san da faruwar lamarin ba.
Karin bayani dai zai biyo baya a nan gaba…..
Subscribe to Our VIP Newsletter
[newsletter_signup_form id=1]
