Shugabancin jam’iyyar Social Democratic Party (SDP) ya fitar da wasu sharudda na karbar wasu ‘yan siyasa masu niyyar tsayawa takara a zaben 2023 a kan dandalin jam’iyyar.
Da yake magana a wani taron manema labarai a Abuja, mukaddashin shugaban jam’iyyar SDP na kasa, Cif Supo Shonibare, ya bayyana cewa dole ne a tantance ‘ya’yan jam’iyyar APC da masu son tsayawa takara.
Sai dai ya bayyana cewa duk ‘yan takarar za su iya karbar fom din tsayawa takara daga sassan jihohinsu ko kuma daga cibiyar gudanarwa da ke Abuja.
Shonibare ya bayyana cewa,binciken da suka yi ya nuna cewa jagoran jam’iyyar APC na kasa, Bola Tinubu ba dan jam’iyyar SDP ba ne, kuma shi ma bai samu fom din tsayawa takarar shugaban kasa na jam’iyyar ba.
“Batun Asiwaju Bola Tinubu, a karo na karshe da na duba, Asiwaju Bola Tinubu ba dan jam’iyyar Social Democratic Party ba,” in ji Shonibare.
“Na duba jerin sunayen ne saboda jerin sunayen mambobin jam’iyyarmu kamar yadda INEC ta bukata, tuni Sashen Jihohinmu suka mika mana a Abuja. Kuma babu sunansa a jerin sunayen ‘ya’yan jam’iyyar mu a jihar Legas. Abin da zan iya cewa ke nan kan shugabancin SDP. Shi ba dan jam’iyyar SDP ba ne.”
Subscribe to Our VIP Newsletter
[newsletter_signup_form id=1]
