Buhari da Gwamnoni da masu ruwa da tsaki sun halarci auren dan Ikpeazu

Shugaban kasa Muhammadu Buhari da wasu Gwamnoni da sauran manyan baki sun halarci daurin auren dan Gwamna Okezie Ikpeazu a Umuahia dake Jihar Abia.

Dan Ikpeazu, Ango Jachimike ya auri masoyiarsa wanda ya ke kauna, Chidinma Onwuenyi, ranar Lahadi.

PlatinumPost ta ruwaito cewa cocin Seventh-day Adventist Church a ka gudanar da bikin auren a na taron kasa da kasa dake Umuahia.

Buhari wanda ya samu wakilcin Dakta Uche Ogah, wanda shi ne karamin ministan ma’adinai da karafa, ya shawarci ma’auratan da su sanya Allah ya zama ginshikin aurensu ta hanyar yin addu’a tare.

Ya bukaci ma’auratan da su kiyaye dabi’un iyali a kokarinsu na gina gida mai nagarta da kuma zama albarka ga tsararrakinsu.

Har ila yau, Uwargidan shugaban Najeriya, Aisha Buhari, wanda ta samu wakilcin Miss Ogonnia Umahi, ta ce taron ya kasance tunatarwa cewa aure ya kasance haɗin gwiwa wanda ya kamata a yi bikin cikin soyayya.

Subscribe to Our VIP Newsletter

[newsletter_signup_form id=1]