Babban Bankin Kasa (CBN) ya ba da umarnin a rage kuɗin da bankunan ke caza yayin cire kuɗi ta ATM da kuma tura kuɗin ta intanet tsakanin bankuna.
Matakin na ƙunshe ne cikin wata sanarawa da Chibuzor Efobi, shugaban sashen kula da tsare-tsaren kuɗi da dokoki, ya fitar ya na mai umartar bankuna da cibiyoyin kudi da su sauya tsarin.
CBN ya ce, an ɗauki matakin ne saboda a tabattar bankunan na bin sabbin tsarin da kasuwanci ke tattare da shi.
Sauyin ya shafi kudin Naira 65 da ake cazar mutum idan ya ciri kuɗi ta ATM na bankin da ba nasa ba sau uku cikin wata ɗaya, inda aka mayar da shi Naira 35.
Haka nan kuma an rage cajin aika kudi ta intanet tsakanin bankuna daga N300 zuwa N50 a matsayin mafi yawan adadin da za a caji mutum.
Akwai tsarin bin diddigin ayyukan bankunan domin tabbatar da cewa an daƙile yawan cazar mutane ba tare da amincewarsu ba.
Subscribe to Our VIP Newsletter
[newsletter_signup_form id=1]
