Shelkwatar tsaro sojoji ta gargadi ‘yan siyasa da sauran mutane da su daina amfani da masu kakin sojoji, domin yakin neman zabe ba tare da izini ba.
Mukaddashin daraktan yada labarai na tsaro, Air Commodore Wap Maigida ne ya bayyana hakan a wata sanarwa da ya fitar ranar Alhamis a Abuja.
Maigida ya ce, an baza hotunan yakin neman zaben wasu gwamnoni sanye da kakin soja, a wuraren da a ka sani a jihohinsu.
Ya kuma ce,”A fili wannan matakin ya sabawa doka, kuma cin zarafi ne na baiwa fararen hula damar sanya kakin soji a lokacin atisayen soja.
A cewarsa, “Ya zama dole a sake bayyana cewa, rundunar sojojin Najeriya a matsayinta na kwararrun cibiya, domin haka ba za ta so a jawo ta cikin kowace irin salon siyasa ba. Domin haka, ya na da kyau a shawarci ‘yan siyasa da sauran al’umma su daina amfani da kakin soja da kayan ado na soji domin al’amuran siyasa da sauran abubuwan da suka faru daga yanzu”. Inji Wap Maigida.
Subscribe to Our VIP Newsletter
[newsletter_signup_form id=1]
