Dan takarar gwamna na jam’iyyar New Nigeria Peoples Party, NNPP, a jihar Akwa Ibom, Sanata James John Akpanudoedehe, ya caccaki gwamnatin jam’iyyar PDP a jihar, kan abin da ya bayyana a matsayin matsanancin talauci da yunwa da rashin aikin yi ya haifar a jihar.
Udoedehe, wanda ya yi magana ta bakin Sakataren Yada Labarai na Jam’iyyar, Solomon Johnny, a wata ganawa da manema labarai a Uyo, ya ce, matsalar da ake fama da ita a Jihar ba ta rashin kudi ba ce illa gazawar gwamnatin PDP wajen samun muradin jama’a a zuciya tun lokacin fiye da shekaru 22 a kan mulki.
Ya yi nuni da cewa NNPP ta shirya tsaf domin ganin ta kawar da jam’iyyar PDP mai mulki a jihar, saboda tana da shirin bunkasa tattalin arzikin jihar na magance matsalolin da suka fi damun jihar da suka shafi talauci da yunwa da rashin aikin yi.
Ya kara da cewa, “Jihar Akwa Ibom na karbar a matsakaicin, N12b a duk wata. Jihar Akwa Ibom tana da yawan al’ummar da ba su kai miliyan 6 ba. Baya ga rabon kudaden, muna da kudaden da a wasu lokutan gwamnati ba ta son mutane su sani. Idan muna buƙatar aiwatar da wannan shawara, abin da kawai muke buƙata, kamar yadda na bayyana a cikin shekaru huɗu, kawai N120b.
Subscribe to Our VIP Newsletter
[newsletter_signup_form id=1]
