Gwamnatin kasar Benin ta amince ta bai wa daya daga cikin manyan kamfanonin sarrafa shinkafa a Najeriya, Labana Rice Mill, eka 30,000 na filin noman shinkafa a cikin kasarta domin nomanta a can.
Wannan wani bangare ne na wata yarjejeniya da aka kulla tsakanin kamfanin na Labana da gwamnatin makwabciyar Najeriya.
BBC ta rawaito cewa, hukumomin aikin gona na kasar sun ce Benin na da filayen noma da suka dace da noman shinkafa har eka 360,000 amma kashi 10 cikin 100 na filayen ne kawai ake noma a cikinsu.
An kulla yarjejeniyar ce a karshen mako bayan musayar ziyara tsakanin jami’an kamfanin da kuma na lamurran ayyukan gona na jamhuriyar ta Benin.
Kamfanin na Labana ya ce manufarsa ta shiga yarjejeniyar ita ce faÉ—aÉ—a kafofin da ya ke samun shinkafa shanshera a kokarin da ya ke na fadada yawan shinkafar da ya ke samarwar daga ton 16,000 a kowace awa daya zuwa 40,000, abin da ya ce zai sa ya zamo kamfanin shinkafa mafi girma a yammacin Afrika.
A nata bangaren, gwamnatin Benin ta kulla yarjejeniyar ce, domin cimma muradin shugaban kasar na habbaka noman shinkafa.
Subscribe to Our VIP Newsletter
[newsletter_signup_form id=1]
