Dubban masu zanga-zanga yawanci mata sun yi tattaki a titunan babban birnin Amurka, Washington DC, domin nuna adawa da Donald Trump, yayin da ake shirin rantsar da shi gobe Litinin a matsayin shugaban ƙasar a wa’adi na biyu.
Ana yin gangamin ne na jama’a ( People’s March) wanda a baya ake masa laƙabi da Women’s March (Gangamin Mata ) kowace shekara tun 2017.
Gamayyar ƙungiyoyi ce daban-daban ta shirya taron da nufin nuna adawa ga tsare-tsare da manufofin Trump, kamar yadda suka bayyana a shafinsu na intanet.
Ƙungiyoyin na da muradu daban-daban da suka haɗa da batun sauyin yanayi da natun baƙi da shige da fice da kuma ‘yancin mata.
Can ma a birnin New York da Seattle an gudanar da zanga-zanga ƙanana don nuna adawa da Trump ɗin.
Babbar zanga-zangar ta Washington da aka yi jiya Asabar ta zo daidai da zuwan shugaban mai jiran-gado, birnin domin halartar taruka daban-daban na shirin bikin rantsar da shi ranar Litinin.
Subscribe to Our VIP Newsletter
[newsletter_signup_form id=1]
