Kotun tafi da gidan ka a kan tsaftar muhalli a jihar Kano ta rufe wasu bandakuna haya guda biyu a kasuwar Ƴankaba sakamakon rashin tsafta.
Kotun ta yanke hukuncin ne karkashin mai shari’a, Auwal Yusuf, lokacin da kwamitin duban tsaftar muhalli ya kai ziyara kasuwar ‘yan Kaba ranar Asabar.
Da ya k bayani kwamishinan, Muhalli Dr Kabiru Ibrahim Getso ya tabbatar da cewa, sun sami bandakunan ne cikin rashin tsafta.
Ya kuma ce abun takaici ne kin kulawa da tsaftar bandakunan.
Tsaftar muhallin na watan Disamba ya zo adaidai lokacin da a ke bukukuwan Kirsimeti da sabuwar shekara.
Kwamitin duban tsaftar muhallin ya kuma ziyarci wajen zubar da shara da ke ofishin Wakilin Kudu da na makarantar firamare ta Jarkasa.
Subscribe to Our VIP Newsletter
[newsletter_signup_form id=1]
