Kocin rikon kwarya na Manchester United Ralf Rangnick ya ce yana matukar son dan wasan gaba Edinson Cavani ya ci gaba da zama a Old Trafford har zuwa karshen kakar wasa ta bana.
Cavani, wanda ya koma United kan cinikin kyauta daga Paris St-Germain a shekarar 2020, ya rattaba hannu kan kwantiragin da kungiyar har zuwa watan Yuni 2022.
An danganta dan wasan na Uruguay da Barcelona da Juventus a kasuwar musayar ‘yan wasa ta Janairu.
“Ya san cewa tabbas ba zan bar shi ya tafi ba,” in ji Rangnick.
Cavani, mai shekaru 34, ya fito ne daga benci inda ya zura kwallo a ragar United a wasan da suka tashi 1-1 da Newcastle a makon da ya gabata, sannan kuma ya hada kai da Cristiano Ronaldo a gaba a wasan da suka doke Burnley da ci 3-1 kwanaki uku bayan haka.
Subscribe to Our VIP Newsletter
[newsletter_signup_form id=1]
