Tawagar ‘yan wasan kungiyar kwallon kafa ta Super Eagles ta dawo gida Najeriya daga gasar cin kofin nahiyar Afirka (AFCON) da ke gudana a kasar Kamaru na shekarar 2021.
Kamfanin dillancin labarai na Najeriya (NAN) ya rawaito cewa, tawagar ‘yan wasan da jami’an ta, sun dawo ne ta jirgin haya daga Garoua, inda suka buga wasanni hudu.
Sun isa ne da karfe 1:10 na dare ranar Talata a filin jirgin saman Nnamdi Azikwe da ke Abuja, inda jami’an hukumar kwallon kafar Najeriya NFF suka tarbe su.
Jami’an NFF sun samu jagorancin babban sakataren su Mohammed Sanusi, tare da rakiyar mambobin kwamitin zartarwa na tarayya Yusuf Ahmed da Shehu Dikko.
Subscribe to Our VIP Newsletter
[newsletter_signup_form id=1]
