Shugaba Gotabaya Rajapaksa ya tsere daga Sri Lanka a jirgi sama na yaki, a yayin da ake ci gaba da zanga-zanga kan matsin tattalin arzikin da kasar ke fama da shi.
Rundunar sojin sama ta kasar ta tabbatar da cewa shugaban kasar, mai shekara 73, ya tsere zuwa Maldives tare da matarsa da jami’an tsaro biyu.
Sun isa babban birnin kasar, Male, da misalin karfe uku na tsakar dare a agogon kasart, kamar yadda sashen BBC Sinhala ya rawaito.
Tserewar da Mr Rajapaksa ya yi daga kasar ta kawo karshen mulkin da iyalansa suka kwashe fiye da shekaru ashirin suna yi a kasar Sri Lanka.
Shugaban kasar ya buya bayan da dandazon jama’ar da ke zanga-zanga suka mamaye gidansa ranar Asabar, kuma ya yi alkawarin sauka daga mulki ranar Laraba, 13 ga watan Yuli.
Wata majiya ta shaida wa BBC cewa, Mr Rajapaksa ba zai ci gaba da zama a Maldives ba don haka yana da niyyar zuwa wata kasar.
Subscribe to Our VIP Newsletter
[newsletter_signup_form id=1]
