Sarkin Ban Kano kuma hakimin Dambatta, Mukhtar Adnan ya rasu, sakamakon gajeriyar rashin lafiya da ya yi a ranar Juma’a.
Wata majiya mai tushe ta tabbatar da rasuwar mariyai Mukhtar Adnan mai shekaru 95, a safiyar ranar Juma’a, inda ta ce ya rasu kwanaki biyu bayan jinyarsa a wani asibiti mai zaman kansa, UMC Zhahir, a Kano.
Ya rasu ne da misalin karfe 4 na safiya, kwana biyu kacal bayan an sallame shi. Za a yi Jana’izarsa a yau bayan Sallar Juma’a a Dambatta.
Sarki Muhammadu Sunusi na Daya ne dai ya nada shi a matsayin Sarkin Bai a shekarar 1954 marigayi sarkin ya halarci zaben sarakunan Muhammadu Inuwa a watan Afrilu 1963, Ado Bayero a watan Oktoba 1963, Muhammadu Sanusi II a watan Yuni 2014 da kuma Aminu Bayero a watan Maris 2020.
An haifi Alhaji Mukhtar Adnan a shekarar 1926 kuma tsohon sarkin Kano Sir Muhammad Sanusi ne ya naɗa shi a matsayin sarkin Bai a shekarar 1954 domin ya gaji mahaifinsa Sabon Dambazau.
Marigayi Sarkin Bai shi ne kwamishinan ilimi na farko a jihar Kano a 1968, kuma ya halarci makarantar Elementary da ke Ɗambatta da makarantar Midil ta Kano da kuma makarantar malamai a garin Zaria.
Subscribe to Our VIP Newsletter
[newsletter_signup_form id=1]
