Shugaban kasar Senegal, Macky Sall ya aza harsashin tubalin ginin tashar ruwa mai kimanin dalar Amurka biliyan 1.13 da kamfanin DP World na kasar Dubai mallakar gwamnatin kasar hadadiyar daular larabawa da za ta gina a Ndayane mai tazarar kilomita 50 daga Kudu da Dakar babban birnin kasar.
Kamfanin DP World na hadin gwiwa ne tsakanin kamfanin samar da kayayyaki da ke Dubai da kuma hukumar kula da tashar jiragen ruwa ta Dakar (PAD), shi ne babban jari mai zaman kansa a kasar da ke yammacin Afirka za ta samu.
Shugaba Mavky Salla ya ce, “Muna shirye domin sauya tsarin tattalin arzikinmu tare da wannan babban aikin,” in ji Sall.
Kamfanin DP World ya ce kashi na farko zai hada da na’urar ruwa mai tsawon mita 840 da tashar ruwa mai tsawon kilomita 5 da a ka kera domin sarrafa jiragen ruwa mai tsawon mita 366, yayin da kashi na biyu za a kara kwatankwacin mita 410 da kuma ci gaba da toshe tasoshin ruwa mai tsawon mita 400.
Shugaban DP World, Sultan Ahmed bin Sulayem, ya ce kamfaninsa zai bunkasa tare da sarrafa tashar sauke kwantena mai girman kadada 300, da kuma samar da kudade da kuma tsara ayyukan filaye da na ruwa.
Subscribe to Our VIP Newsletter
[newsletter_signup_form id=1]
