Gwamna jihar Jigawa, Muhammad Badaru Abubakar ya mika sakon alhininsa game da rasuwar, Alhaji Sani Buhari Daura.
PlatinumPost ta ruwaito cewa fitaccen dan kasuwar Alhaji Sani Buhari Daura ya rasu ne a ranar Lahadi ya na da shekaru 89 a duniya.
A sakon ta’aziyya ga iyalan marigayin mai dauke da sa hannun mai taimaka masa na musamman kan harkokin yada labarai, Habibu Nuhu Kila, gwamnan Badaru ya kuma jajantawa masarautar Daura bisa rasuwar Walin Daura.
Gwamna Badaru ya bayyana rasuwar, Alhaji Sani Buhari a matsayin babban rashi, ba ga iyalansa kadai ba, har ma da kasa baki daya.
Ya ce,”Marigayi Walin Daura ya yi rayuwa mai gamsarwa a matsayinsa na hamshakin dan kasuwa da al’ummar duniya da ba za a taba mantawa da hidimar da ya yi wa al’umma ba, mu na kuma yin addu’a Allah ya gafarta masa”. Inji Badaru.
Subscribe to Our VIP Newsletter
[newsletter_signup_form id=1]
