Mai horas da kasar Italiya, Roberto Mancini ya bayyana nadama game da gazawar Italiya wajen samun tikitin shiga gasar cin kofin duniya kai tsaye, ya kuma gargadi ‘yan wasan sai da su manta da nasarar da su ka samu a gasar Euro 2020 kafin wasan.
Italiya wacce ba ta samu shiga gasar cin kofin duniya ta 2018 ba, ta samu sauyi a lokacin tsohon kocin Inter da Manchester City Mancini. Hakan ya kai ga nasara a gasar Euro 2020 – gasar cin kofin Turai ta farko tun 1968.
Azzurri ta fara buga wasanni 37 a tarihin duniya ba tare da an doke ta ba, wanda ya kare a hannun Spain a wasan kusa da na karshe na gasar cin kofin duniya a watan Oktoba, amma burinsu na gasar cin kofin duniya ya rataya a wuya.
Italiya ce ta zo ta biyu da Switzerland a rukunin C, haka kuma Portugal da Serbia a rukunin A. Sannan kuma an fitar da biyu a kan hanyar buga wasa daya, wanda hakan ke nufin babu yadda za a yi ‘yan wasan Mancini da su Cristiano Ronaldo da sauran, su tsallake zuwa gasar a kasar Qatar 2022.
Italiya ta tsallake zuwa Arewacin Macedonia a wasan kusa da na karshe a karshen Maris kuma Mancini ya na fatan kungiyarsa ta samu nasarar tabbatar da cancantar tun da farko.
Wasan da za’a fafata ne a wasa daya, inda Italiya da Portugal za su karbi bakuncin Arewacin Macedonia da Turkiyya a wasan kusa da na karshe.
Wadanda su ka yi nasara a wadannan wasannin daf da na kusa da na karshe za su hadu a wasan karshe, inda Portugal ko Turkiyya za su kasance a gida, domin samun gurbin zuwa Qatar 2022.
Subscribe to Our VIP Newsletter
[newsletter_signup_form id=1]
