Bulaliyar majalisar dattijawa, Orji Uzor Kalu, ya bayar da tallafin Babura da kayan abinci tare da kyautar kudi ga al’ummar yankuna 13 na Igbere.
Tallafin dai wani yunkuri ne na ƙara ƙarin kayan aikin samar da tsaro a ƙauyena na Igbere.
Rabon tallafin kayayyakin wanda ya gudana a yammacin ranar Talata wanda Bulaliyar majalisar dattiawa mai wakiltar Abia ta Arewa a Majalisar ta Tara, Sanata Orji Uzor Kalu ya ba da gudummawar Babura da kayan abinci da tsabar kuɗi ga al’ummomi 13 da su ka haɗa da Igbere.
An mika wadannan kayayyaki kai tsaye ga ‘yan banga a kauyen a gaban shugaban kungiyar jin dadin jama’a na Igbere, Comrade Goddswill .A. Okorie.
Idan kuma za a iya tunawa, Bualiliyar majalisar dattawa, ya duba ayyukan gina tituna sama da 50 a yankin Abia ta Arewa, kafin ya nufi Ezumezu, wajen wani kayan adana kayan tarihi na gargajiya da a ke gudanarwa duk watan Disamba a Igbere na jihar Abia.
Sanata ya kasance abin koyi na ci gaban al’umma. Ya wakilci mazabar Abia ta Arewa da kyau a Majalisar Dokoki ta kasa, a tarihin shekaru biyu da rabin da ya kwashe a zauren majalisar.
Mazabar Abia ta Arewa na matukar godiya da irin tasirin da ya ke da shi a fannin tattalin arziki, hadin kai da ci gaban ababen more rayuwa a fadin Abia ta Arewa.
Subscribe to Our VIP Newsletter
[newsletter_signup_form id=1]
