Shugaban hukumar jin daɗin alhazai NAHCON, Farfesa Abdullahi Saleh Usman ya ce, hukumar tana ƙoƙari domin tabbatar da kuɗin Hajjin bana bai kai yadda ake hasashe ba, inda ya ce abin da yake fata shi ne ragowa.
Hukumar ce ta sanar da cire tallafin da tke bayarwa a kan kuɗin Hajjin duk shekara, wanda a sanadiyar hakan masana suka ce kuɗin kujerar Hajjin zai iya haura naira miliyan 10.
A zantawarsa da BBC, sabon shugaban hukumar, Saleh Usman, wanda aka fi sani da Saleh Pakistan ya ce, “ba ma fatan a samu ƙarin kuɗin kujerar Hajji kamar yadda ake hasashe, za mu yi duk mai yiwuwa wajen ganin hakan bai faru ba, kuma muna fata in sha Allah ba zai kai haka ba.
“Abin da muke fata shi ne a samu ragowa daga farashin kuɗin kujerar da aka biya a bara, kuma muna fata da yardar Allah za mu samu nasara.”
Subscribe to Our VIP Newsletter
[newsletter_signup_form id=1]
