Ɗan wasan gaban PSG, Kylian Mbappe ya kafa tarihin zama ɗan wasa mafi ƙarancin shekaru da ya zura ƙwallaye 31 a gasar cin kofin Zakarun Turai.
Mbappe dan Faransa mai shekaru 22 ya kafa tarihin ne bayan ƙwallaye biyu da ya jefa a ragar Club Brugges yayin haɗuwar ƙungiyoyin biyu a daren jiya.
A mintuna 7 na farkon wasan na jiya ne Mbappe ya zura kwallaye 2 gabanin ya taimakawa Messi ya kara kwallo guda a minti na 37 kana PSG ta samu bugun fenariti da ya kaita ga nasarar ta kwallaye 4 da 1 kan Club Brugge.
Kafin nasarar ta jiya dai Messi ke da tarihin zura kwallaye 30 a karkashin gasar tun yana da shekaru 23 amma kuma yanzu Mbappe ya goge tarihin tare da zamowa dan wasa mafi karancin shekaru da ya kai ga nasarar zura kwallaye 31 a gasar.
Subscribe to Our VIP Newsletter
[newsletter_signup_form id=1]
