Ƙungiyar Masu Askin Baba, reshen Jihar Kano ta sanar da ƙarin farashin aski a faɗin jihar.
Da ya ke zantawa da manema labarai a Kano a yau Litinin, Shugaban ƙungiyar na Kano, Muhammad Sagir Adam, ya ce ƙarin ya zama dole sakamakon hauhawar farashin kayaiyakin askin.
A cewar sa, farashin duk kayayyakin da su ke saya domin yin aski ya yi yashin gwauron zabi, in da ya ce “hatta kuɗin haya ma ya tashi.”
Adam ya sanar da cewa da ga yanzu aski da a ke yi a naira ɗari 2 ya koma Naira dari 3, na ɗari 3 ya koma naira ɗari 4.
Ya yi bayani da cewa “muma ba laifin mu bane. Ka san sana’a sai da riba. To, idan mu ka ci gaba da yin Aski a haka, to sai dai muyi ta samun faduwa, ballantana ma riba,” in ji shi
Subscribe to Our VIP Newsletter
[newsletter_signup_form id=1]
