Sarkin Ban Kano, Tsohon Hakimin Ɗambatta, Dakta Mukhtar Adnan ya rasu.
Marigayi Adnan, ya rasu ya na da shekara 95 a wani asibiti da asubar yau Juma’a a Kano.
Kafin rasuwarsa, marigayin shine Kwamishinan Ilimi na farko a tarihin Kano.
Dakta Adnan ya kasance ɗan majalisar Sarki tun a shekarar 1954.
Marigayin ya kuma kasance ɗaya da ga cikin masu naɗin Sarki, inda da shi a ka naɗa Sarkin Kano, marigayi Alhaji Ado Bayero a 1963.
Tun a 1953 marigayi Adnan ya zama Hakimin Ɗambatta har zuwa shekarar 2019, inda a ka cire daga hakimcin sakamakon sabuwar dokar masarauta da Gwamna Abdullahi Ganduje ya ƙirkiro.
Wannan jarida ta jiyo cewa da safen nan ne dai za a yi jana’izar Sarkin Bai kamar yadda addinin Musulunci ya tanada.
Har zuwa lokacin haɗa wannan rahoto, ba a sanar da lokacin da za a yi jana’izar marigayin ba.
Subscribe to Our VIP Newsletter
[newsletter_signup_form id=1]
