Wasu manyan makarantun gaba da sakandire a jihar Kano sun dakatar da jarabawar da su ka shirya gudanarwa a yau Litinin ga dalibai, sakamakon yajin aikin da a ka tsundama na masu Babura mai kafa uku.
Lamarin ya faru ne sakamakon daukewar Baburan da su ka yi a Kano na yajin aikin da suka tsunduma na kwanaki 7.
Shugaban hukumar KAROTA Baffa Babba Dan Agundi ne dai ya ci alwashin kowane mai Babur sai ya sabanta rijista da lambar Babur din sa, a wannan sabuwar shekarar ta 2022, a kan Naira dubu 8, wanda a baya a ka sanya Naira dubu 20.
Sai dai masu Baburan Adaidaita sun bijirewa hukumar biyan kudin, sakamakon tsada da suka ce hukumar ta yi musu.
Lamarin dai ya haifar da daukewar Baburan Adaidaita Sahu a Kano wanda dalibai ke ta faman sagarabtu a kafafun su.
Subscribe to Our VIP Newsletter
[newsletter_signup_form id=1]
