Mamallakin shafin sada zumunta na Twitter, Jack Dorsey, ya nada wasu ‘yan Najeriya Uku, da za su jagoranci shugabancin asusun amincewar Bitcoin.
Jack Dorsey, daya daga cikin wadanda suka kirkiri shafin Twitter ya nada ‘yan Najeriya uku da daya dan Afirka ta Kudu da su zama hukumar kula da asusun sa na Bitcoin Trust (BTrust) da za a raba domin ci gaban Afirka da Indiya.
A farkon watan Fabrairu, Dorsey ya ba da sanarwar BTrust tare da haɗin gwiwar mawakin gambara na rap dan Amurka, Jay Z.
BTrust asusu ne da ke da babban asusun BTC 500 wanda darajarsa ta kai N10,014,265,775.40 ($24,426,230), idan aka kwatanta shi da farashin kasuwar ranar Litinin dala $48,815.35, kuma ‘yan Afirka hudu ne za su sarrafa su, ba tare da kulawa daga Dorsey ko Jay Z ba.
A ranar Laraba, 15 ga watan Disamba, Dorsey ta wata sanarwa ya bayyana sunayen hukumar ta BTrust, wadanda uku daga cikinsu ‘yan Najeriya ne; Abubakar Nur Khalil da Obi Nwosu da Ojoma Ochai, da kuma Afirka ta Kudu, Carla Kirk-Cohen.
Idan za a iya tunawa a karshen watan Nuwamba, Dorsey ya yi murabus a matsayin shugaban Kamfanin Twitter.
Mista Dorsey, wanda ya kafa Twitter a 2006 tare da Biz Stone, Evan Williams, da Noah Glass ya na aiki a matsayin shugaba na Twitter da kuma kamfanin biyan kuɗi Square.
A cikin wata sanarwa da a ka fitar, ya rubuta, “Lokaci ya yi da zan tafi”, lura da cewa kamfanin “a shirye ya ke ya ci gaba.”
Subscribe to Our VIP Newsletter
[newsletter_signup_form id=1]
