Kamfanin Man Fetur na (NNPC), ya ce reshensa na kasa ya samu zunzurutun kudi har Naira Biliyan 203.73 kan siyar da fararen kaya a watan Yulin 2021.
Wannan ya na kunshe ne a cikin alkalumman watan Yuli na shekarar 2021 na rahoton kudi da ayyuka na kamfanin NNPC na watan (MFOR), bugu na 72 na rahoton da aka fitar ranar Laraba.
Rahoton ya nuna karuwar kashi hudu cikin 100 na samar da iskar gas.
Rahoton ya kuma bayyana cewa jimlar kudaden shiga da a ka samu daga siyar da kayayyakin na tsawon watan Yulin 2020 zuwa Yuli 2021 ya kai sama da tiriliyan 2.563 inda Premium Motor Spirit (PMS) ta ba da gudummawar kusan kashi 99.67 na jimillar tallace-tallace.
Hakazalika, jimillar lita biliyan 1.544 na kayayyakin man fetur ne hukumar kula da albarkatun man fetur ta kasa PPMC ta sayar da kuma rabar da su, a watan Yuli da PMS ya kai kashi 99 cikin 100 na adadin man fetur.
Rahoton ya kuma kara da cewa, Jimillar siyar da kayayyakin man fetur na tsawon watan Yuli 2020 zuwa Yuli 2021 ya tsaya a kan lita biliyan 19.535 kuma PMS ya kai kashi 99.73 na jimillar adadin.
Subscribe to Our VIP Newsletter
[newsletter_signup_form id=1]
