Hukumar ƙididdiga ta Najeriya NBS ta ce, kayan masarufi sun yi tashin gwauron Zabi a watan Disambar bara, irinsa na farko a cikin wata takwas a Najeriya.
Shugaban hukumar ta ƙididdiga, Simon Harry ne ya bayyana hakan yayin wani taron manema labarai a ranar Litinin a Abuja.
Ya ce, “Tashin farashin ya zarta kashi 15, kuma abubuwan da suka fi tashi sun haɗa da Gas na girki da Barasa da kuɗin hayar gidaje, ta taba sigari da wanki da guga da kuma hayar tufafi”.
“Sauran abubuwan da farashinsu ya tashi sun haɗa da tufanin sakawa da takalma”.
“Mun fuskanci tashin farashin ne a lokacin bukukuwan kirsimeti da na ƙarshen shekara sai dai gabanin tashin farashin na Disamba sai da aka yi wata takwas farashin kayan masarufi na sauka a ƙasar”. In ji Simon.
Jihar Ebonyi ita ce ta fi fuskantar tashin farashin kayayyaki a jihohin Najeriya, yayin da jihar Kwara ta fuskanci ƙarancin tashin farashin kayayyaki.
Rahotanni sun tabbatar da cewa, jihar Kogi ita ce ta fi tsadar abinci a watan na Disamba, yayin da jihar Edo kuma ta fi arahar abinci a lokacin.
Subscribe to Our VIP Newsletter
[newsletter_signup_form id=1]
