Gwamnati na kashe Niara biliyan 1 wajen biyan ma’aikatan FAAN dun shekara – Keyamo

Ministan Sufurin Jiragen Sama da Cigaban Jiragen Sama Festus Keyamo, ya ce Gwamnatin Najeriya na kashe Naira Biliyan 1 wajen biyan tallafin kudin alawus na Duty Tour Allowance (DTA) da tikitin jirgin sama ga Hukumar Kula da Jiragen Sama ta Tarayyar Najeriya, FAAN, jami’an da ke kai da kawowa daga Abuja zuwa Legas, duk shekara.

Keyamo ya bayyana hakan ne a ranar Alhamis a wata sanarwa da ya fitar da ke fayyace kalamansa na ‘DTA ma’aikatan FAAN N500 a gidan Talabijin na Channels.

A cewarsa, a shekarar 2023 ma’aikatan FAAN sun kashe N493,678,620.37 akan DTA da kuma N451,058,950.09 na tikitin jirgi.

“Lokacin da na yi hira da gidan talabijin na Channels a jiya, ba a yi mini bayani ba game da kudaden da FAAN ta kashe a shekarar da ta gabata a kan DTA (Duty Tour Allowance) ga manyan jami’an da ke kai da komowa daga Legas zuwa Abuja kusan kullum.

“Kudin ya kai N493,678,620.37. Baya ga tikitin jirgin da na ambata ya kai N451,058,950.09.

“Don haka, a dunkule, saboda dagewar da aka yi na nada Abuja a matsayin hedikwatar FAAN (lokacin da babu ofisoshi a Abuja da zai dauki dukkan manyan jami’an FAAN), FAAN ta kashe kusan Naira biliyan daya a shekara guda,” inji shi.

DAILY POST ta rahoto cewa Ministan ya dage kan ci gaba da matakin da Gwamnatin Tarayya ta dauka na mayar da hedikwatar FAAN zuwa Legas duk da adawar da wasu bangarorin suka yi.

Ku tuna cewa a ranar 19 ga watan Janairu, 2023, Keyamo ya sanar da sauya shelkwatar FAAN daga Abuja zuwa Legas.

Subscribe to Our VIP Newsletter

[newsletter_signup_form id=1]