Gobara ta kone wani kamfani kayayyakin kujeru da gadaje na Alibert Furniture da ke kan hanyar Murtala Mohammed a cikin birnin Kano.
Jaridar internet ta Solacebase ta rawaito cewa, shedun gani da ido sun ce gobarar wacce ta tashi da sanyin safiyar Litinin din nan ta lalata kamfanin daura da Kano Club gaba daya.
An garzaya da jami’an tsaro biyu na kamfanin da suka samu raunuka asibiti, kamar yadda shaidun gani da ido su ka bayyana.
Ko da ya ke har yanzu ba a san musabbabin tashin gobarar ba, amma shaidu na alakanta lamarin da matsalar wutar lantarki daga rumbuin wutar ta taransfomar kamfanin.
Ko da ya ke jami’an kashe gobara sun samu nasarar shawo kan gobarar, har yanzu wutar na ci gaba da ruruwa a daidai hada wannan rahoton.
Subscribe to Our VIP Newsletter
[newsletter_signup_form id=1]
